Ratnagiri Rain : रत्नागिरीत जोरदार पावसाला सुरुवात, दापोली, लांजा, संगमेश्वरात सर्वाधिक पावसाची नोंद | VIDEO

रत्नागिरी जिल्ह्यात पुन्हा जोरदार पावसाला सुरुवात झाली आहे. सकाळपासूनच पावसाच्या सरी कोसळत आहेत. रत्नागिरी, देवरुख, लांजा यासारख्या भागांत हलक्या ते मध्यम स्वरूपाचा पाऊस सुरू आहे. गेल्या २४ तासांमध्ये जिल्ह्यात सरासरी ४७.४५ मिमी पावसाची नोंद करण्यात आली आहे. दापोली, लांजा, आणि संगमेश्वर या तालुक्यांत सर्वाधिक पाउस झाला आहे. त्यामुळे काही भागांत पाणी साचण्याची स्थिती निर्माण झाली असून स्थानिक प्रशासनाकडून सतर्कता बाळगली जात आहे.

दरम्यान, हवामान विभागाने रत्नागिरी जिल्ह्यासाठी मुसळधार पावसाचा इशारा दिला आहे. नागरिकांनी आवश्यक ती खबरदारी घ्यावी, तसेच नद्या व ओढ्यांच्या जवळ जाणे टाळावे, असं आवाहन प्रशासनाकडून करण्यात आलं आहे.