Pune Rain: ३० मिनिटांच्या पावसाने पुण्यातील रस्ते पाण्याखाली, हिंजवडी IT पार्क झालं वॉटरपार्क; पाहा VIDEO

पुण्याला शनिवारी मुसळधार पावसाने झोडपून काढलं. या पावसाचा फटका हिंजवडी आयटी पार्क परिसराला देखील बसला. या पावसामुळे आयटी पार्कमधील रस्त्यांना नदीचे स्वरूप आले होते. याचा आणखी एक व्हिडिओ समोर आला आहे. रस्त्यावर साचलेल्या पाण्यातून पीएमपीएमएलची इलेक्ट्रिक बस मार्ग काढताना दिसत आहेत. जणू हिंजवडी परिसरामध्ये पूर आल्याचे चित्र दिसत आहे. या पूरस्थितीत जीव मुठीत धरून प्रवास करत आहेत असं चित्र हिंजवडी परिसरामध्ये निर्माण झाले होते.

फक्त ३० मिनिटांमध्ये झालेल्या पावसाने हिंजवडीची अशी दयनीय अवस्था झाली होती. हिंजवडी एमआयडीसी प्रशासन, पी एम आर डी ए प्रशासन आणि हिंजवडी ग्रामपंचायत यांच्या नियोजन शून्य कारभारामुळे हिंजवडी आयटी पार्कमधील नागरिकांना अशी पूर सदृश्य परिस्थितीतून प्रवास करण्याची वेळ ओढवली होती. हिंजवडीतील पूरस्थितीचा व्हिडीओ सध्या सोशल मीडियावर व्हायरल होत असून सर्वांचे लक्ष वेधत आहे.