Pune Rain News: पुण्यात पावसाची तुफान बॅटिंग; सिंहगड रोडवरील सोसायट्यांमध्ये शिरलं पाणी!

पुण्यात मुसळधार पावसाने थैमान घातलं आहे. अनेक रस्त्यांना नदीचे स्वरुप आलं आहे.खडकवासला धरणाच्या सांडव्यावरून मुठा नदी पात्रामध्ये 11556 क्यूसेक्स इतका विसर्ग करण्यात आला आहे. त्यामुळे भिडे पूल, संगम पूल आणि होळकर पूल हा पाण्याखाली गेला आहे.अनेक ठिकाणी सखल भागात पाणी साचलं आहे. पाण्यातून मार्ग काढताना वाहन चालकांना मोठी कसरत करावी लागत आहे. त्याचबरोबर सिंहगड रोडवरील सोसायट्यांमध्ये देखील पाणी शिरलं आहे. मात्र धरणातून पाण्याचा विसर्ग करताना नागरिकांना पूर्व कल्पना दिली नाहीये, असा आरोप नागरिकांकडून केला जात आहे.