Weather Update: लातूरमध्ये मुसळधार पावसामुळे पूरसदृश्य स्थिती; वीजपुरवठा खंडित|VIDEO

लातूर: संपूर्ण राज्यात सध्या पावसाने चांगलाच धुमाकूळ घातला आहे. त्यामुळे शेतीचे मोठे नुकसान झाले आहे. तर दुसरीकडे लातूर शहरात पूर सदृश्य परिस्थिति निर्माण झाली आहे. लातूर शहर आणि ग्रामीण भागामध्ये जोरदार पावसाने हजेरी लावली असल्याने जलजीवन विस्कळित झाले आहे. लातूर जिल्ह्यात रात्रभर मुसळधार पावसाने हजेरी लावली असून 2 तासाच्या विश्रांतीनंतर पुन्हा मुसळधार पावसाला सुरुवात झाली आहे. लातूर जिल्ह्यातून वाहणाऱ्या रेणा नदी पात्रात देखील पाण्याचा प्रवाह वाढल्यामुळे अनेक भागातील वीजपुरवठा देखील खंडित झाला आहे. दरम्यान पुढील काही तास लातूर जिल्ह्याला हवामान विभागाने मुसळधार पावसाचा इशारा देखील दिला आहे.