Jalna News: अरे बापरे...! दारू प्यायलेला मुख्याध्यापक डुलक्या देत वर्गातच झोपला अन् तिथेच... व्हायरल Video पाहाच

जालना: येथील भोकरदन तालुक्यातील टाकळी गावातल्या जिल्हा परिषद प्राथमिक शाळेत एक धक्कादायक प्रकार समोर आला असून चक्क मुख्याध्यापकच आपल्या शाळेच्या वर्ग खोलीत मद्यधुंद अवस्थेत झोपलेले आढळून आले. दामू भीमराव रोजेकर असं या मुख्याध्यापकाचे नाव असून इयत्ता दुसरीच्या वर्गात हा प्रकार उघडकीस आला. ज्यावेळी गावचे माजी सरपंच आणि अन्य काही नागरिक त्या ठिकाणी गेले होते त्यावेळी हा मुख्याध्यापक मध्यधुंद अवस्थेत असल्याचं त्यांच्या निदर्शनास आलं आणि त्याने त्याच जागेवर लघु शंका देखील केल्याची माहिती आहे. दरम्यान ही घटना घडल्यानंतर पोलीस आणि गटशिक्षणाधिकाऱ्यांनी घटनास्थळी धाव घेऊन त्यांची वैद्यकीय चाचणी केली असता ते नशेमध्ये असल्याचे निदर्शनास आलं. त्यानंतर केंद्रप्रमुखांच्या फिर्यादीवरून भोकरदन पोलीस ठाण्यात संबंधित मुख्याध्यापकांवर गुन्हा दाखल करण्यात आला आहे.