गिरगाव ISKCON मंदिराला तिसऱ्यांदा धमकीचा मेल आला
मेल ‘इमानुएल सेक्रन’ या ईमेल आयडीवरून पाठवण्यात आला
बॉम्ब स्क्वॉडने तपासणी केली पण संशयास्पद काहीही आढळले नाही
वारंवारच्या धमक्यांमुळे भाविकांमध्ये भीती आणि चिंता निर्माण
गिरगाव येथील ISKCON मंदिराला पुन्हा एकदा धमकीचा मेल आला असून ही तिसऱ्यांदा अशी धमकी मिळाल्याची माहिती समोर आली आहे. मंदिराच्या कार्यकारी यंत्रणेच्या अधिकृत ईमेलवरून हा मेल आला असून, तो ‘इमानुएल सेक्रन’ या ईमेल आयडीवरून पाठवण्यात आला होता. धमकीचा मेल मिळताच बॉम्ब स्क्वॉड आणि पोलिसांनी मंदिर परिसराची कसून तपासणी केली, मात्र तपासणीत कोणतीही संशयास्पद वस्तू आढळली नाही. सध्या गावदेवी पोलिसांकडून या प्रकरणाचा तपास सुरू आहे.
यापूर्वीही मंदिराला अशाच प्रकारचे धमकीचे मेल आले होते. प्रत्येक वेळी तपासणीनंतर कोणतीही धोकादायक वस्तू आढळली नसली तरी, या वारंवार होणाऱ्या घटनांमुळे भाविकांमध्ये भीती आणि चिंता निर्माण झाली होती. पोलिसांकडून ईमेलच्या स्त्रोताचा शोध घेण्याचे प्रयत्न सुरू आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.