Sambhajinagar Rain : संभाजीनगरमध्ये अतिवृष्टी, शेतामध्ये तलावासारखे पाणी, मदत न मिळाल्यास शेतकर्‍याचा आत्महत्येचा इशारा | VIDEO

छत्रपती संभाजीनगर जिल्ह्यातील सिल्लोड तालुक्यातील घाटनांद्रा गावात मुसळधार पावसाचा मोठा फटका बसला आहे. पावसामुळे शेतकऱ्यांच्या शेतात पूराचे पाणी शिरले असून मोठ्या प्रमाणावर पिकांचे नुकसान झाले आहे.शेतामध्ये गुडघ्याएवढे पाणी साचल्याने मक्याचे पीक सडून गेले आहे. त्यामुळे शेतकरी आर्थिक संकटात सापडले आहेत. हातात सडलेला मका घेऊन शेतकऱ्यांनी कृषिमंत्र्यांकडे तातडीने मदत देण्याची मागणी केली आहे. जर तात्काळ मदत न मिळाल्यास आत्महत्येशिवाय आमच्यासमोर पर्याय शिल्लक राहणार नाही, असा इशारा शेतकऱ्यांनी दिला आहे. शेतकऱ्यांच्या डोळ्यासमोर त्यांच्या कष्टाचे पीक वाया गेल्याने शेतकरी हतबल झालेला दिसून येत आहे.