Nashik News: मध्य रेल्वेची वाहतूक विस्कळीत, नाशिकमध्ये मालगाडीचे डबे रुळावरून घसरले; पाहा VIDEO

नाशिकमध्ये मालगाडीचे डबे रुळावरून घसरल्यामुळे मध्य रेल्वेची वाहतूक विस्कळीत झाली आहे. मुख्य अप मार्गावर मालगाडीचे डबे रुळावरून घसरले. नांदगाव रेल्वे स्थानक यार्डानजीक सकाळी ७ वाजता ही घटना घडली. यामुळे मध्य रेल्वेची वाहतूक विस्कळी झाली आहे. या घटनेमुळे मुंबईकडे जाणाऱ्या राजधानी एक्स्प्रेस, धुळे- दादर मेमू गाड्या खोळंबल्या आहेत. रेल्वे अधिकारी आणि कर्मचारी यांचे पथक घटनास्थळावर दाखल झाले असून डबे हटवण्याचे काम युद्ध पातळीवर सुरू आहे. मनमाडवरून दुरुस्ती वाहन आणि तांत्रिक पथक आले आहे.

डाऊन लाइनवरून रेल्वे वाहतूक सुरळीत करण्याचा रेल्वे प्रशासनाचा विचार सुरू आहे. मालगाडीतून सिमेंटची वाहतूक सुरू होती. ही मालगाडी दौंडच्या दिशेने जात होती. मालगाडीचा घसरलेला डबा उचलण्याचे प्रयत्न सुरू आहेत. मनमाडवरून रेल्वेचे हायड्रोलिक इन्स्ट्रुमेंट आणि अपघात विभागाचे पथक घटनास्थळावर दाखल झाले आहे. रेल्वेच्या अप आणि डाऊन मार्ग थोड्यावेळासाठी बंद ठेवण्यात आलेत. घसरलेले डबे उचलण्याचे प्रयत्न सुरू आहेत. १०० हून अधिक अधिकारी कर्मचारी यांचे घटनास्थळी युद्धपातळीवर प्रयत्न सुरू आहेत. लवकरच वाहतूक सुरळीत होईल असे सांगितले जात आहे.