Nashik News: काँग्रेसचे माजी खासदार हुसेन दलवाई पोलिसांच्या ताब्यात, नेमकं प्रकरण काय? VIDEO

नाशिक येथील काठे गल्लीतील अनधिकृत सातपीर दर्गा ही महापालिकेने जमीनदोस्त केली आहे. त्यामुळे नाशिक शहरात काही दिवस तणावाची परिस्थिति निर्माण झाली होती. याप्रसंगी पोलिसांवर दगडफेक देखील केली होती. दरम्यान माजी खासदार हूसैन दलवाई हे आज तिथे पाहणी करण्यासाठी गेले असता. त्यांना पोलिसांनी ताब्यात घेतल. त्यानंतर दलवाई यांनी मध्यमांशी संवाद साधला आणि पोलिसांवर निशाणा साधला. मी पोलिसांना सांगितले की मी दंगा शमवण्यासाठी आलो आहे. मी दंगा करण्यासाठी आलेलो नाही. समाजात एकता निर्माण व्हावी यासाठी इथे आलो आहे. तरी देखील मला पोलिसांनी ताब्यात घेतले. पुढे ते म्हणाले, कोणीही दंगा केला असेल पोलिसांवर दगडफेक केली असेल तर मी त्याचे समर्थन करणार नाही मी गांधीवादी आहे. मी हिंसेच समर्थन करत नाही मी काही गोळवलकरवादी किंवा सावरकरवादी नाही, अशी टीका त्यांनी केली.