भाजप नेत्या नवनीत राणा यांना पुन्हा जिवे मारण्याची धमकी, पत्रात नेमकं काय लिहिलं? VIDEO

अमरावती : भाजपच्या अमरावतीच्या माजी खासदार नवनीत राणा यांना पुन्हा एकदा जिवे मारण्याची धमकी मिळाल्याने खळबळ उडाली आहे. मिळालेल्या माहितीनुसार, हैदराबादहून अब्दुल नावाच्या व्यक्तीने स्पीडपोस्टद्वारे पत्र पाठवून नवनीत राणा यांना अश्लील भाषेत मजकूर लिहून जिवे मारण्याची धमकी दिली आहे. यापूर्वी केवळ चार दिवसांपूर्वीच हैदराबादच्या जावेद नावाच्या व्यक्तीकडून नवनीत राणा यांना गॅंगरेप आणि खून करण्याची धमकी पत्राद्वारे देण्यात आली होती. आता पुन्हा एका दुसऱ्या व्यक्तीकडून अशीच धमकी आल्याने पोलिसांच्या हालचालींना वेग आला आहे. राजापेठ पोलिसांनी नवनीत राणा यांच्या स्वीय सहाय्यकाच्या तक्रारीवरून गुन्हा दाखल करण्याची प्रक्रिया सुरू केली आहे.