Satish Bhosale: खोक्याच्या घरावर कारवाईला अतिघाई झाली; भाजप आमदार सुरेश धस यांची प्रतिक्रिया, VIDEO

भाजप आमदार सुरेश धस यांचा कार्यकर्ता सतीश भोसले उर्फ खोक्याने ढाकणे पिता पुत्राला बॅटने मारहाण केल्याचा व्हिडिओ समोर आल्याने त्याला अटक करण्याची मागणी जोर धरू लागली होती. यानंतर खोक्याचे अनेक कांड समोर आले.हरणांची शिकार करणे, वनविभागाच्या जागेवर बंगला बांधणे,नोटांची उधळपट्टी करणे असे कारनामे त्याचे समोर आले. मात्र खोक्या हा अनेक दिवसांपासून पोलिसांना गुंगारा देत फिरत होता.अखेर प्रयागराज येथे त्याच्या मुसक्या आवळल्या. आज बीड पोलीस खोक्याला शिरूर कासार येथील बावी गावात घेऊन गेले. ज्या ठिकाणी त्याने ढाकणे कुटुंबाला अमानुषपणे मारहाण केली होती.वनविभागाची जागा हडपून खोक्याने बांधलेल्या अनधिकृत घरावर वनविभागाने बूलडोझर चालवला होता. यावरच भाजप आमदार सुरेश धस यांनी प्रतिक्रिया दिली आहे.खोक्याच्या घरावर कारवाईला घाई झाली असून याबाबत वनविभागाला आणि कलेक्टरला विचारणार असल्याचे ते म्हणाले.