Gandhi Family News: गांधी घराण्यातील तिघे इतिहासात पहिल्यांदाच एकाच वेळी संसदेत!

गांधी घराण्यातील तिघे जण प्रथमच एकाचवेळी कॉंग्रेसचं नेतृत्व करताना दिसणार आहेत. संसदेत आई सोनिया, मुलगी प्रियंका आणि मुलगा राहुल हे एकाच वेळी कॉंग्रेसकडून प्रतिनिधित्व करणार आहे. सोनिया गांधी राज्यसभा खासदार म्हणून काम पाहतील. राहुल गांधी हे विरोधी पक्ष नेता. तर वायनाडची पोटनिवडणूक लढवून विजयी झालेल्या प्रियंका गांधी या लोकसभेत बघायला मिळतील.

आज प्रियंका गांधी यांनी पोट निवडणूक जिंकल्यानंतर संसदेत प्रवेश करत शपथ घेतली. यावेळी सोनिया गांधी, राहुल गांधी आणि प्रियंका गांधी हे तिघे एकत्र दिसून आले. यावेळी भाऊ राहुल गांधी यांनी बहिण प्रियंका गांधी यांचे संसद भवनाच्या परिसरात फोटो देखील काढल्याचं बघायला मिळालं आहे. तसंच या तिघांनी एकत्र फोटो काढून आपल्या सोशल मिडियावर देखील शेअर केला आहे. संसदेच्या इतिहासात पहिल्यांदाच हे तिघं कॉंग्रेसचं अशाप्रकारे एकत्र नेतृत्व करणार आहेत.

Edited By Rakhi Rajput