महाराष्ट्राच्या इतिहासात पहिल्यांदाच असं घडले, विरोधी पक्षनेताच नाही

महाराष्ट्राच्या इतिहासात प्रथमच दोन्ही सभागृहांमध्ये विरोधी पक्षनेताच नाही. विधिमंडळाच्या हिवाळी अधिवेशनास सोमवारपासून म्हणजेच 8 डिसेंबरपासून सुरुवात होणार आहे. दरम्यान, महाराष्ट्राच्या इतिहासात पहिल्यांदाच अशी परिस्थिती उद्भवली आहे की, जिथं दोन्ही सभागृहांमध्ये म्हणजे विधानसभा आणि विधान परिषदेमध्ये अधिकृत विरोधी पक्षनेता नाही. कोणत्याही विरोधी पक्षाला एकूण जागांपैकी किमान 10 टक्के जागा मिळाल्या नाहीत. 288 सदस्यांच्या विधानसभेत विरोधी पक्षनेतेपदाचा दावा करण्यासाठी किमान 29 आमदार असणे आवश्यक आहे.

हिवाळी अधिवेशनासाठी नागपुरात कडाक्याच्या थंडीचा अंदाज वर्तवणयात आला आहे. २ अंशांनी तापमान आणखी घटण्याची शक्यता आहे. एकीकडे नागपूरचे वातावरण थंड होणार असले तरी सभागृहात मात्र गरमागरमी होण्याची शक्यता आहे. जमीन घोटाळा, कर्जमाफी, महिला अत्याचार, कुंभमेळा वृक्षतोड प्रकरणावर अधिवेशनात चर्चा तापण्याची शक्यता आहे.