शेतकऱ्यांचा रोष उफाळला! कर्जमाफीच्या मागणीवरून अजित पवारांना काळे झेंडे, पोलिसांचा लाठीचार्ज|VIDEO

यवतमाळ: उपमुख्यमंत्री अजित पवार यांच्या यवतमाळ जिल्हा दौऱ्यादरम्यान बाभुळगावमध्ये संतप्त शेतकऱ्यांनी आंदोलक भूमिक घेतली. बाभुळगाव तालुक्यातील शेतकऱ्यांच्या वतीने नगरसेवक अक्षय राऊत आणि सामाजिक कार्यकर्ते प्रदीप नांदुरकर यांनी उपमुख्यमंत्र्यांच्या ताफ्याला काळे झेंडे दाखवून सरकारचा निषेध नोंदवला.एकीकडे नागपूरमध्ये बच्चू कडू यांनी मोठे कर्जमाफी मिळावी म्हणून आंदोलन पुकारले आहे. तर आज अजित पवार हे यवतमाळमध्ये येत असताना स्थानिक नगरसेवकांनी काळे झेंडे दाखवले. यावेळी पोलिसांनी आंदोलनकर्त्यांवर लाठीचार्ज केल्याचे पाहायला मिळाले.

बाभुळगाव बसस्थानकाजवळ झालेल्या या आंदोलनात शेतकऱ्यांना कर्जमाफी न देणाऱ्या सरकारविरोधात घोषणाबाजी करण्यात आली. “शेतकऱ्यांना न्याय द्या!”, “कर्जमाफी लागू करा!”, “कर्जमाफी न देणाऱ्या सरकारचा निषेध असो!” अशा घोषणांनी परिसर दणाणून गेला.काहीवेळ या ठिकाणी तणावाचे वातावरण निर्माण झाले होते.