पुण्यातील भोंदू बाबाला बेदम चोप, खेडच्या महिलेची केली होती फसवणूक, व्हिडिओ आला समोर

भोंदू खरातच्या प्रकऱणानंतर आता ग्रामीण भागातही भोंदूबाबांविरोधात संतापाची लाट उसळल्याचं पाहायला मिळतंय. खेड तालुक्यातील पाईट-सावंतवाडी परिसरात एका भोंदूबाबानं महिलेची 5 हजारांची फसवणूक केल्याचा प्रकार समोर आलाय. या घटनेमुळे संतप्त झालेल्या नागरिकांनी संबधित भोंदूबाबाला चांगलाच चोप दिलाय. बुवाबाजी करणाऱ्यांचे धाबे आता दणाणलेत

खरात प्रकरणानंतर भोंदूबाबांविरोधात नागरिकांमध्ये संतापाची लाट उसळल्याचं चित्र खेड तालुक्यात पाहायला मिळत आहे. बुवाबाजीच्या नावाखाली लोकांची फसवणूक करणाऱ्या साधूंवरील विश्वास आता पूर्णपणे ढासळला असून नागरिक अधिक सतर्क झाले आहेत. भोंदूबाबा अशोक खरात याचे कारनामे उघडकीस आल्यानंतर अनेक तथाकथित महाराजांनी आपली दुकाने बंद केली आहेत. तर काही ठिकाणी भगवे कपडे घालून भोंदूगिरी करणाऱ्यांवर नागरिकांनी थेट लक्ष ठेवायला सुरुवात केली आहे.दरम्यान, पाईट-सावंतवाडी परिसरात एका महिलेची पाच हजार रुपयांची फसवणूक करणाऱ्या फिरस्त्या बाबाला स्थानिकांच्या तीव्र रोषाला सामोरं जावं लागलं. या घटनेनंतर नागरिक आक्रमक झाले असून अशा भोंदूबाबांना दिसताच क्षणी चोप दिलाय.