EVM Hacking : ईव्हीएम हॅकिंगवर निवडणूक आयोगाचा मोठा खुलासा | Marathi News

निवडणूक अधिकारी ए. एस. चोकलिंगम यांनी ईव्हीएम हॅकिंगचे सर्व प्रकारचे आरोप फेटाळले आहेत. ईव्हीएम हॅक होऊ शकत नाही, वायफायला आणि ब्लुटुथला कनेक्ट होऊ शकत नाही, असा दावा त्यांनी केला आहे. तसंच निवडणुकीत कोणतंही अतिरिक्त मतदान झालं नसल्याचाही दावा निवडणूक अधिकारी चोकलिंगम यांनी केला आहे.

महाविकास आघाडीच्या अनेक नेत्यानी विधानसभा निवडणूक निकालानंतर ईव्हीएम संदर्भात शंका व्यक्त केली होती. ईव्हीएम हॅक करण्यात आलेले होते. संध्याकाळनंतर झालेल्या मतदानाचा तपशील द्या, अशीही मागणी मविआच्या नेत्यांनी केली होती. जवळपास २५ जणांनी निवडणूक प्रक्रियेवर संशय घेत फेरमतमोजणीची मागणी केली आहे. त्यानंतर आता निवडणूक अधिकाऱ्यांकडून हा खुलासा करण्यात आला आहे. तसच सर्व आरोप फेटाळून लावले आहेत.

Edited By Rakhi Rajput