CIDCO Home : सिडको घरांच्या किंमती कमी होण्याची शक्यता, एकनाथ शिंदे महत्त्वाचे निर्णय घेणार?

DCM Shinde Meeting On Cidco home Price : सिडको घरांच्या किंमती कमी करण्याबाबत आज महत्त्वपूर्ण निर्णय होण्याची शक्यता आहे.सिडको महामंडळाने बांधलेल्या सदनिकांच्या किंमती आणि इतर बाबींवर निर्णय घेण्यासाठी नगरविकास विभागाची आज बैठक होणार आहे. या बैठकीला एकनाथ शिंदे आणि संबंधित अधिकारी उपस्थित असतील. आजच्या बैठकीत सिडकोच्या घरांच्या किंमतीचा निर्णय होऊ शकतो, असे सांगण्यात येतेय.(CIDCO housing price reduction meeting details)

विधानसभा कामकाज सल्लागार समिती कक्षामध्ये होणार्‍या या बैठकीत सोडतीत न सुटलेल्या तसंच प्रलंबित गृहनिर्माण प्रकल्पांतील घरांच्या किंमतींबाबत अंतिम निर्णय होण्याची शक्यता वर्तवण्यात आली आहे. या निर्णयामुळे विविध उत्पन्न गटांतील नागरिकांना परवडणाऱ्या दरात घरे उपलब्ध होण्यास मदत होईल. एकनाथ शिंदे काय निर्णय घेतात, याकडे सर्वसामान्यांचे लक्ष लागेलय.