उपमुख्यमंत्री एकनाथ शिंदे यांच्या उदार मनाची प्रचिती पुन्हा एकदा आली आहे. आर्थिक विवंचनेतून संत तुकाराम महाराजांचे 11 वे वंशज शिरीष महाराज मोरेंनी आत्महत्या केली होती. त्यानंतर कुटुंबावरती दु:खाचा डोंगर पसरला होता. उपमुख्यमंत्री एकनाथ शिंदे यांनी तेच ३२ लाखांचं कर्ज झटक्यात फेडलं आहे. संपूर्ण आयुष्य समाजकार्यासाठी अर्पण करणाऱ्या शिरीष महाराजांसाठी एकनाथ शिंदे यांनी हे पाऊल उचललं आहे. आमदार विजय शिवतारे यांनी शिरीष महाराज यांच्या कुटुंबाचं सांत्वन करताना एकनाथ शिंदे यांनी पाठवलेली ३२ लाखांची रक्कम देऊ केली.
देहू येथील राहात्या घरी ५ फेब्रुवारीला शिरीष महाराज यांनी गळफास घेऊन आत्महत्या केली होती. त्यांच्या या टोकाच्या पाऊल उचलण्याने वारकरी संप्रदयावर शोककळा पसरली होती. ही बातमी उपमुख्यमंत्री एकनाथ शिंदे यांना समजताच त्यांनी या घटनेबद्दल दु:ख व्यक्त केलं आहे. तसंच कर्जाची ३२ लाखांची रक्कम देऊन एकनाथ शिंदेंनी महाराजांच्या कुटुंबावरील कर्जाचं ओझं कमी केलं आहे. ज्या कारणाने महाराजांनी आत्महत्या केली, ते कर्जाचं ओझं आज स्वतः उपमुख्यमंत्री शिंदेंनी उतरवलं, त्यामुळे पुन्हा एकदा एकनाथ शिंदे यांच्या उदार मनाची प्रचिती सर्वांना आली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.