Guardian Minister Row : पालकमंत्रिपदाचा तिढा कधी सुटणार? एकनाथ शिंदेंनी स्पष्टच सांगितलं | VIDEO

पालकमंत्रिपदावरून महायुतीतील भाजप-शिवसेना आणि राष्ट्रवादी काँग्रेसमध्ये वाद सुरू असून, नाशिक आणि रायगडचं पालकमंत्रिपदी झालेली नियुक्ती रद्द करण्यात आली. रायगडमध्ये पालकमंत्रिपदावरून नाराजीनाट्य सुरू आहे. ते अद्याप संपलेले नाही. आता यावर उपमुख्यमंत्री आणि शिवसेनेचे प्रमुख एकनाथ शिंदे यांनी स्पष्ट प्रतिक्रिया दिली आहे.

रायगड जिल्हा पालकमंत्रिपदाबाबत बैठक नव्हती, असं एकनाथ शिंदे यांनी स्पष्ट केले आहे. तसेच रायगडचा जिल्हा नियोजनसंबंधी बैठक झाली. पालकमंत्रिपदाबाबतचा वाद देखील लवकर मिटेल, असा विश्वास शिंदे यांनी व्यक्त केला.

तटकरे विरुद्ध थोरवे

रायगडच्या पालकमंत्रिपदी आदिती तटकरे यांची नेमणूक करण्यात आली होती. मात्र, शिवसेनेचे महाडचे आमदार आणि मंत्री भरत गोगावले यांनीही या पदावर दावा केला होता. त्यामुळे मोठा पेच निर्माण झाला होता. अखेर हा वाद मिटला नसल्याने रायगडचं पालकमंत्रिपद रद्द करावं लागलं. तसेच रायगडमध्ये तटकरे विरुद्ध थोरवेही वाद सुरू आहे. त्यात वरिष्ठ पातळीवरून आता कशा प्रकारे मध्यस्थी केली जाते, हे पाहावं लागेल.