Eknath Khadse News | प्रवेश लांबला तरी खडसेंकडून भाजपचा प्रचार सुरू, मतदान वाढवण्यासाठी दिला मंत्र

जळगाव : आपण भाजपमध्ये (BJP) जाणार अशी घोषणा एकनाथ खडसे (Eknath Khadse) यांनी केली होती. अद्याप खडसेंचा पक्षप्रवेश झालेल नाही. पण त्यांनी पक्षासाठी प्रचार सुरू केला आहे. खडसे यांच्या सून रक्षा खडसे (Raksha Khadse) रावेरमधून (Raver) तिसऱ्यांदा निवडणूक लढवत आहेत. रक्षा खडसे यांच्यासाठी एकनाथ खडसे यांनी प्रचार सुरू केला आहे. काही भागात खडसे यांनी बैठका घेतल्या आहेत तर रक्षा खडसे यांची कामं गावोगावी पोहचवा असे निर्देशही त्यांनी कार्यकर्त्यांना दिले आहेत.