DS Kulkarni ED News : डी एस कुलकर्णी यांच्या घरावर EDची धाड

पुणे : प्रसिद्ध बांधकाम व्यावसायिक डी. एस कुलकर्णी यांच्या घरावर आणि कार्यालयावर ईडीने धाड टाकली आहे. जंगली महाराज रस्त्यावरील त्यांच्या कार्यालयावर ईडीची छापेमारी केली आहे. ईडीचं पथक हे मुंबईहून थेट सकाळीच पुण्याला रवाना झालं आणि कुलकर्णी यांच्या घरावर छापा टाकला. गुंतवणूक दारांची फसवणूक केल्याप्रकरणी डी एस कुलकर्णी यांच्यावर पुण्यातील वेगवेगळ्या पोलिसांत अनेक गुन्हे दाखल होते. २०१७ साली त्यांच्यावर पहिला गुन्हा दाखल झाला होता. त्यानंतर त्यांना अटकही करण्यात आली होती. मागील काही महिन्यांपूर्वीच त्यांची सुटका झाली होती. पण ईडीने पुन्हा एकदा आता कुलकर्णी यांच्या घरावर धाड टाकली आहे.