Chandrapur VIDEO: चालकाला आला आकडीचा झटका, एसटी बस शिरली थेट गॅरेजमध्ये

चंद्रपूर शहरातील सिंदेवाही शहरात बस थेट गॅरेजमध्ये घुसल्याचा धक्कादायक प्रकार घडला आहे. नागपूर महामार्गावरील पेट्रोल पंपजवळ शंकर मिस्त्री यांच्या गॅरेजमध्ये थेट एसटी महामंडळाची बस शिरली. ब्रम्हपुरीहुन चंद्रपूरला जाणारी ही शेवटची बस होती. चालकाला आकडीचा झटका आल्याने त्याचे बसवरील नियंत्रण सुटले, यात 8 प्रवासी जखमी झाले आहेत. ब्रह्मपुरी ते चंद्रपूर जाणारी ही शेवटची बस सचिन कुळमेथे चालवीत होते. अपघातातील एसटी बसची धडक इतकी जोरदार होती की, यात दोन दुचाकी वाहन, एक ट्रॅक्टर व दोन ते तीन चारचाकी वाहनांची मोडतोड झाली. बसमधील प्रवाशांनी स्वतःची कशीबशी सुटका करून घेतली. जखमी प्रवाशांना ग्रामीण रुग्णालयात पाठवण्यात आले आहे. पोलीसांनी चालकाला ताब्यात घेतले आहे.