Dombivli AC Local: लोकलचे दरवाजे बंद करण्याची घोषणा अन् २४ तासात डोंबिवलीत AC ट्रेनचा दरवाजा लागेना| VIDEO

काल कल्याणहून सीएसएमटी स्थानकाकडे जाणाऱ्या लोकलमधून पडून अनेक प्रवाशांचा मृत्यू झाला. दोन लोकल एकमेकांना घासल्या. त्यामुळेच बाहेर लटकलेले प्रवासी खाली पडले. यात काहीजणांचा दुर्दैवी मृत्यू झाला. ही घटना घडून गेल्यानंतरही अजूनही रेल्वे प्रशासनाला जाग आलेली नाही. आता एसी लोकलचे दरवाजे बंद होत नाहीयेत.आज डोंबिवली येथे एका एसी लोकलचा दरवाजा तब्बल १० मिनिटे उघडाच होता. प्रवाशांच्या गर्दीमुळे हा दरवाजा बंद होत नव्हता. आज सकाळी ८ वाजून ५९ मिनिटांनी निघणाऱ्या ट्रेनमध्ये ही घटना घडली आहे. कालच्या घटनेनंतर सर्वच लोकलचे दरवाजे बंद करण्याची घोषणा करण्यात आली होती. मात्र, आता जर प्रवाशांच्या गर्दीमुळे लोकलचे दरवाजेच बंद होणार नसेल तर याचा काहीच फायदा नाही. आरपीएफच्या जवानांनी जेव्हा प्रवाशांना खेचून बाहेर काढले त्यानंतर या एसी लोकलचे दरवाजे बंद झाले. तब्बल १० मिनिटे ही ट्रेन तिथेच उभी होती.