Diwali 2025 : दिवाळीत मुंबईत रात्री 10 पर्यंतच फटाके वाजवण्यास परवानगी, तर लक्ष्मीपूजनाच्या दिवशी मध्यरात्री 12 वाजेपर्यंत सूट | VIDEO

देशभरात आजपासून दीपावली उत्सवाची दिमाखात सुरुवात झाली आहे. प्रकाश, आनंद आणि एकोपा साजरा करणा-या या सणानिमित्त बाजारपेठा, घरं आणि रस्ते उजळले आहेत. मात्र यंदा फटाके फोडण्यावर नियमबध्द मर्यादा घालण्यात आल्या आहेत. दिवाळीच्या दिवसात रात्री फक्त 10 वाजेपर्यंतच फटाके वाजवण्यास परवानगी दिली असून, लक्ष्मीपूजनाच्या दिवशी मात्र मध्यरात्री 12 वाजेपर्यंत फटाके वाजवता येणार आहेत. तसेच फटाक्यांच्या आवाजाची 'डेसिबल' मर्यादाही काटेकोरपणे पाळावी लागणार आहे. या नियमांचे उल्लंघन करणा-यांवर पोलिसांकडून कारवाई करण्यात येईल. त्यामुळे नागरिकांनी नियमांचे पालन करणे बंधनकारक आहे अन्यथा कारवाईला सामोरे जावे लागणार आहे.