Nashik News: नाशिकमध्ये धो धो! गोदामातेची पुरातच आरती, भक्तांची मांदियाळी|VIDEO

नाशिकमध्ये सुरू असलेल्या मुसळधार पावसामुळे शहरात पुरस्थिती निर्माण झाली आहे. या पावसामुळे गोदावरी नदीला पूर आला असून नदीकाठच्या रामकुंड परिसरातील घाटांवर पाणी साचले आहे. अशा कठीण परिस्थितीत देखील भाविकांची श्रद्धा डगमगलेली नाही.

गोदावरी नदीच्या पाणीपातळीत झालेल्या मोठ्या वाढीमुळे रामकुंड परिसर पूर्णतः जलमय झाला आहे. मात्र, या जलप्रलयातही भाविकांनी पुराच्या पाण्यात उभं राहत पारंपरिक गोदा आरती केली. पावसाच्या सतत सुरू असलेल्या सरी आणि वाढत्या पुराच्या प्रवाहात भक्तिभावाने पार पडलेली ही आरती अनेकांसाठी एक आगळा-वेगळा अनुभव ठरली.

नाशिककरांनी पाण्यात उभं राहत देवतेसाठी आरती करताना श्रद्धेचे अनोखे उदाहरण घालून दिलं. ही आरती पाहण्यासाठी अनेकांनी परिसरात गर्दी केली होती. पोलिस आणि महापालिका प्रशासनाकडून सतर्कता राखण्यात येत असून, नागरिकांनी नदीकाठच्या भागात जाऊ नये, असे आवाहनही करण्यात आले आहे.