Devendra Fadnavis: शिवरायांचा अपमान करणाऱ्यांना टकमक टोकावरून ढकलले पाहिजे; देवेंद्र फडणवीस|VIDEO

गेल्या काही वर्षांपासून छत्रपती शिवाजी महाराजांबद्दल आक्षेपार्ह वक्तव्य केल्याच्या घटना वाढत आहे. या पार्श्वभूमीवर छत्रपती शिवरायांचा अवमान केल्यास 10 वर्षांच्या शिक्षेची तरतूद करा, अशी मागणी खासदार उदयनराजे भोसले यांनी रायगडच्या कार्यक्रमात केली. आज छत्रपती शिवाजी महाराज यांची 345 वी तिथीनुसार पुण्यतिथि असून या निमित्ताने केंद्रीय गृहमंत्री अमित शाहा हे रायगड किल्ल्यावर आले आहेत. यावेळी त्यांच्यासोबत राज्याचे मुख्यमंत्री देवेंद्र फडणवीस आणि उपमुख्यमंत्री एकनाथ शिंदे आणि अजित पवार हे देखील उपस्थित आहे. यावेळी खासदार उदयनराजे भोसले यांनी ही मागणी केली.

या मागणीवर देवेंद्र फडणवीस म्हणाले, उदयनराजेंनी काही मागण्या केल्या आहेत. आम्ही त्यावर चर्चा केली. महाराजांचा अपमान करणाऱ्यांना टकमक टोकावरूनच लोटलं पाहिजे असं आम्हालाही वाटतं. पण आपण लोकशाहीत आहोत. आपण अपमान करणाऱ्यांवर कडक कारवाई करू. असा इशारा देवेंद्र फडणवीसांनी दिला.