VIDEO : 'लाडकी बहीण'साठी देवेंद्र फडणवीस मुख्यमंत्री झाले पाहिजेत; सुरेश खाडेंची प्रतिक्रिया

महाराष्ट्रात सध्या लाडकी बहीण योजना चर्चेत आहे. या योजनेवरून विरोधकांकडून टीका होत आहे. आगामी विधानसभेशी याचा संबंध जोडला जात आहे. असं असतानाच आता सत्ताधारी पक्षातीलच नेते सुरेश खाडे यांनी एक महत्वाचं विधान केलं आहे. लाडकी बहीण योजना यापुढेही सुरू ठेवायची असल्यास देवेंद्र फडणवीस हेच मुख्यमंत्री झाले पाहिजेत, असं विधान त्यांनी केलं आहे.

सरकार बदललं की योजना बदलतात. त्यामुळं योजना सुरू ठेवण्यासाठी आपलं सरकार आलं पाहिजे. देवेंद्र फडणवीसच मुख्यमंत्री झाले पाहिजेत, असंही कामगार मंत्री सुरेश खाडे म्हणाले.

यापुढे आपलं सरकार आलं पाहिजे आणि देवेंद्र फडणवीसच मुख्यमंत्री झाले पाहिजेत, यासाठी आपण सगळ्यांनी प्रयत्न केले पाहिजेत, असंही आवाहन खाडे यांनी पदाधिकारी आणि कार्यकर्त्यांना केलं आहे.