Devendra Fadnavis: हरिनाम सप्ताहात रमले मुख्यमंत्री; विखे पाटलांसोबत घातली फडणवीसांनी फुगडी, VIDEO

छत्रपती संभाजीनगर: येथे दरवर्षी आयोजित केला जाणारा गंगागिरी महाराजांचा अखंड हरिनाम सप्ताह यंदा 178 व्या वर्षात पदार्पण करत आहे. या हरिनाम सप्ताहाला दरवर्षीप्रमाणे यंदाही हजारो भाविकांनी मोठ्या भक्तिभावाने हजेरी लावली. विशेष म्हणजे, यंदाच्या सप्ताहाला राज्याचे मुख्यमंत्री देवेंद्र फडणवीस यांनीही उपस्थिती लावली. मुख्यमंत्री फडणवीसांनी या पावन सोहळ्याचा अनुभव घेत वारकरी परंपरेतील फुगडी खेळत भक्तिरसात मनसोक्त सहभागी झाले. त्यांच्या सोबत मंत्री राधाकृष्ण विखे पाटील आणि मंत्री गिरीश महाजन यांनी देखील फुगडी खेळून आनंद व्यक्त केला. कार्यक्रमात हरिनामाच्या गजरात वातावरण भारावून गेले होते. मंत्र्यांनी वारकरी संप्रदायाच्या भक्तिरसात स्वत:ला झोकून देत जे प्रेम आणि उत्साह दाखवला, त्यामुळे उपस्थित भाविकांमध्ये खासच उत्साह संचारला.