VIDEO : 'देवा भाऊ जो बोलता है वो करता है..'; फडणवीसांची रावडी डायलॉगबाजी

''देवा भाऊ जो बोलता है वो करता है..'' असं म्हणत मंगळवेढ्यात उपमुख्यमंत्री देवेंद्र फडणवीस यांनी जोरदार डायलॉगबाजी केलेली दिसली. मंगळवेढा-पंढरपूर मतदारसंघातील कार्यक्रमात बोलताना उपमुख्यमंत्री आणि भाजप नेते देवेंद्र फडणवीस यांनी अभिनेता अक्षय कुमारच्या चित्रपटातील डायलॉग व्यासपाठीवरुन म्हटला. त्यावेळी, उपस्थितांनी टाळ्या व शिट्ट्या वाजवत दाद दिली. ''देवाभाऊ जो बोलता है वो करता है, और जो नही बोलता वो डेफिनेटली करता है .. '', असा सिनेस्टाईल डायलॉग देवेंद्र फडणवीसांनी म्हटलं. त्यांच्या या डायलॉगचा व्हिडिओ सोशल मीडियातून व्हायरल होत आहे.

पंढरपूर-मंगळवेढा मतदारसंघात आमदार समाधान अवताडे यांनी मेळाव्याचे आयोजन केले होते. यावेळी ते बोलत होते. राज्यात महायुतीचं सरकार आल्यानंतर तुम्हाला दुष्काळी 24 गावांसाठी पाणी दिलं. सातारा जिल्ह्यातील दुष्काळ संपवून दाखवला. सांगोला उपसा सिंचन योजनेतून संगोल्याच्या 50 हजार हेक्टर जमिनीला लाभ झालाय. आता मंगळवेढा येथील 17 हजार हेक्टर जमिनीचा फायदा होत आहे. अनेकजण मला विचारतात तुम्ही पाणी कोठून आणलं, जिद्द असेल तर पाण्याचा थेंब थेंब वाचवून पाणी उपलब्ध केलं, असं फडणवीसांनी म्हंटलं आहे.