Arvind Kejriwal Arrest : मोठी बातमी! अरविंद केजरीवाल यांना CBI कडून अटक, पाहा VIDEO
दिल्लीचे मुख्यमंत्री अरविंद केजरीवाल यांना आज सीबीआयने अटक केली आहे. सर्वोच्च न्यायालयात जामीन अर्जावर सुनावणी सुरू होण्यापूर्वीच सीबीआयने केजरीवाल यांना ताब्यात घेतलं आहे. दिल्लीतील मद्य धोरणात अरविंद केजरीवाल यांच्यावर मनी लॉण्ड्रिंगचा आरोप आहे.
ईडीने अटक केल्यानंतर केजरीवाल यांची रवानगी तुरुंगात करण्यात आली होती. त्यानंतर दिल्लीच्या सत्र न्यायालयाने २० जून रोजी केजरीवाल यांना जामीन मंजूर केला होता. याला ईडीने दिल्ली उच्च न्यायालयात आव्हान दिले होते. हायकोर्टाने आव्हान याचिका फेटाळून लावल्यानंतर ईडीने सुप्रीम कोर्टात धाव घेतली होती.
त्यावर सुनावणी घेतल्यानंतर न्यायालयाने जामिनावर स्थगिती दिली. यानंतर आज सीबीआयने मुख्यमंत्री अरविंद केजरीवाल यांना अटक केली आहे. त्यामुळे केजरीवाल यांची पुन्हा तुरुंगात रवानगी केली जाणार आहे. दरम्यान, अरविंद केजरीवाल यांना अटक होताच आम आदमी पक्ष आक्रमक झाला आहे. त्यांनी एनडीए सरकारविरोधात घोषणाबाजी सुरू केली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.