Ajit Pawar on Sharad Pawar: 'सून म्हातारी झाली', अजित पवार यांचा नाव न घेता शरद पवारांना टोला; पुन्हा काढलं वय, VIDEO

भरत मोहोळकर, साम टीव्ही, प्रतिनिधी

लोकसभेनंतर अजित पवार यांनी शरद पवार यांचे तिखट हल्ले सौम्य केलेत. मात्र त्यांच्या तोंडी एक मुद्दा असतो तो म्हणजे शरद पवारांच्या वयाचा. आताही अजित पवारांनी नाव न घेता शरद पवारांच्या वयाचा मुद्दा उपस्थित करत सासू सुनेचं उदाहरण दिलंय. सून म्हातारी होऊस्तोवर तसंच बघत बसणार का? असं टोला अजित पवारांनी काका शरद पवारांना लगावलाय.

लोकसभा निवडणुकीपूर्वी अजित पवारांकडून शरद पवारांच्या 84 वर्षे वयाचा मुद्दा उपस्थित करत तिखट हल्ले केले होते. एवढंच नाही तर मी तुमच्या पोटी जन्माला आलो नाही ही माझी चूक आहे का? असा उद्विग्न सवाल अजित पवारांनी उपस्थित केला होता.

विधानसभा निवडणुकीपूर्वी अजित दादांकडून आपल्याला नेतृत्वाची संधी मिळत नसल्याने आपण बंड केल्याचं स्पष्ट केलंय. मात्र हा मुद्दा लोकांना मान्य होणार का? यावर अजित पवारांच्या पक्षाच्या विजयाचं समीकरण अवलंबून असणार आहे.