Kolhapur Breaking : मधुरिमा राजेंची माघार अन् कोल्हापुरात वाद; सतेज पाटील शाहू महाराजांवर भडकले! | VIDEO

कोल्हापुरात काँग्रेस नेते सतेज पाटील आणि शाहू महाराज यांच्यात टोकाचे वाद झालेले पाहायला मिळत आहे. मधुरिमा राजेंनी विधानसभा निवडणुकीतून माघार घेतल्याने हा वाद झाल्याचं सांगण्यात येत आहे. सतेज पाटील हे मधुरिमा राजे यांनी माघार घेतल्याने नाराज झालेले आहेत. त्यामुळे महाविकास आघाडी आणि कॉंग्रेसमध्ये पुन्हा एकदा वाद निर्माण झाल्याचं कोल्हापुरात बघायला मिळत आहे.

कोल्हापूरतून मधुरिमा राजे यांनी माघार घेताच आता त्यावरून नाराजी नाट्य सुरू झालं असून त्यामुळे महाविकास आघाडी आणि कॉंग्रेसमध्ये नव्या वादाला तोंड फुटलं आहे. शाहू महाराज आणि सतेज पाटील यांच्यात हा वाद झाला आहे. शाहू महाराज छत्रपती यांनी नाईलाजाने माघार घेत असल्याचं म्हणत त्यांनी मधुरिमा राजे यांची कॉंग्रेसची उमेदवारी मागे घेतली. मात्र त्यांनी उमेदवारी मागे घेतल्याने सतेज पाटील हे चांगलेच नाराज झालेले दिसले. त्यानंतर सतेज पाटील हे मालोजीराजे आणि त्यांच्या कार्यकर्त्यांवर चांगलेच भडकले. यावेळी 'तुम्ही जे केलं ते बरोबर नाही. माघार घ्यायचीच होती तर अगोदर का नाही सांगितलं? मला तोंड घाशी का पाडलं? माझी नाचक्की का केली? असा सवाल सतेज पाटील यांनी छत्रपती शाहू महाराज आणि मालोजीराजे यांच्यापुढे उपस्थित केला.

Edited By Rakhi Rajput