Hiraman Khoskar News : क्रॉस व्होटिंगचा आरोप असलेले काँग्रेस आमदार एकनाथ शिंदे यांच्या भेटीला

विधानपरिषद निवडणुकीत काँग्रेसची आठ मतं फुटली होती. त्यापैकी इगतपुरीचे आमदार हिरामण खोसकर यांच्यावर संशय व्यक्त केला जात आहे. आता खोसकर यांनी मुख्यमंत्री एकनाथ शिंदे यांची भेट घेतली आहे. क्रॉस व्होटिंगचा आरोप असताना खोसकर यांनी मुख्यमंत्री शिंदे यांची भेट घेतल्याने राजकीय वर्तुळात चर्चा रंगली आहे. पण वैयक्तिक कारणामुळे ही भेट घेतल्याचे खोसकर यांनी स्पष्ट केले आहे. आपल्या भागातला एक अधिकारी ऐकत नाही, म्हणून त्याची बदली करा अशी मागणी खोसकरांनी मुख्यमंत्री शिंदे यांच्याकडे केली आहे. दुसरीकडे आपण कुठल्याही प्रकारे क्रॉस व्होटिंग केली नसल्याचे खोसकरांनी स्पष्ट केले आहे.