VIDEO : मविआमध्ये सीएम पदाची रंगली शर्यत !

महाविकास आघाडीत एकीकडे जागावाटपाची खलबतं सुरू असतानाच आता मुख्यमंत्रीपदाच्या दावेदारावरून मविआमध्ये वादाची ठिणगी पडलेली बघायला मिळाली आहे. कॉंग्रेस नेते पृथ्वीराज चव्हाण यांनी मुख्यमंत्री हा कॉंग्रेसचाच असेल असं विधान केलं आहे. तर दुसरीकडे शरद पवार यांचा राष्ट्रवादी गट मुख्यमंत्रीपदाच्या शर्यतीत नसल्याचं खासदार सुप्रिया सुळे यांनी म्हंटलं आहे.

मुख्यमंत्रीपदाच्या उमेदवारावरून महाविकास आघाडीत बराच वाद सुरू असल्याचं दिसून आलं आहे. एकीकडे जागावाटपाचा तिढा सोडवण्यासाठी मविआ प्रयत्न करत आहे. तर आता दुसरीकडे मुख्यमंत्रीपदाच्या शर्यतीवरून महाविकास आघाडीत नव्या तिढयला तोंड फोडलं आहे. एकीकडे कॉंग्रेस नेते पृथ्वीराज चव्हाण यांनी आगामी मुख्यमंत्री हा कॉंग्रेस पक्षाचाच होईल असं मत मांडलं आहे. तर त्यांच्या या विधानानंतर खासदार सुप्रिया सुळे यांनी 'शरद पवार यांची राष्ट्रवादी मुख्यमंत्रीपदाच्या शर्यतीत नाही. आम्ही या शर्यतीतच नसल्याने त्याबद्दल मी काही बोलू शकत नाही.' असं म्हंटल आहे. त्यामुळे आता यावर ठाकरे गट शिवसेना काय भूमिका घेते याकडे सगळ्यांचं लक्ष लागलं आहे.