Pune News: अरविंद शिंदेंना 'ते' वक्तव्य भोवणार? पुण्यात भाजप- काँग्रेस पक्ष आमने-सामने!

भाजप आणि काँग्रेस वाद आता विकोपाला गेल्याचं दिसून येतय.अरविंंद शिंदे यांनी केलेल्या वादग्रस्त वक्तव्यावरुन पुण्यात (Pune) भाजपने आंदोलन केलंय.त्याचबरोबर पुण्यात काँग्रेस भवनाबाहेर वातावरण चांगलच तापलंय. दोन्ही गटामध्ये जोरदार बाचाबाची झाल्याचं पाहायला मिळालं. काँग्रेस शहराध्यक्ष अरविंद शिंदेंनी केलेल्या वक्तव्यावरुन भाजपने आक्रमक पवित्रा घेतलाय.पुण्यात मोठ्या प्रमाणात पोलिस बंदोबस्त ठेवण्यात आला असून काँग्रेस भवनाकडे निघालेल्या कार्यकर्त्यांना पोलिसांनी रोखलं असल्याने वाद आणखीच चिघळलाय. अरविंद शिंदे केलेलं ते वादग्रस्त वक्तव्य त्यांना भोवणार असल्याचं चित्र दिसून येतंय.