OBC Reservation : मराठा आरक्षणाच्या GR ला विरोध, वडेट्टीवार नेमकं काय म्हणाले ? पाहा VIDEO

राज्यात ओबीसी आरक्षणाचा मुद्दा चांगलाच तापलेला असताना मुख्यमंत्री देवेंद्र फडणवीस यांनी ४ ऑक्टोबरला राज्यातील विविध ओबीसी संघटनांनची बैठक बोलावली आहे. मात्र या बैठकीला काँग्रेस नेते विजय वडेट्टीवार उपस्थित राहणार की नाही याबाबत प्रश्नचिन्ह निर्माण झाले आहे. या बैठकीसाठी ओबीसी नेते बबनराव तायवडे यांनाही निमंत्रण देण्यात आले असून यामुळे ओबीसी नेत्यांमध्ये नाराजी व्यक्त केली जात आहे. या घडामोडींमुळे बैठकीपूर्वीच ओबीसी राजकारणात खळबळ उडाली आहे. ओबीसी अंदोलनानंतर राज्य सरकारने हैद्राबाद गॅझेट लागू करण्या संदर्भात जीआर काढला होता. हा जीआर जाहीर केल्याने ओबीसी समाजाच आरक्षण धोक्यात येईल अशी भीती ओबीसी संघटनांनी व्यक्त केली होती त्यामुळे हा जीआर रद्द करण्याची मागणी जोर धरु लागली आहे आणि या मागणीच्याच अनुषंगाने मुख्यमंत्र्यांनी ही बैठक बोलवल्याचे कळत आहे.