MNS - Shinde Group : मनसे - शिंदेसेना संघर्षाचं कारण आलं समोर, एकनाथ शिंदेंनी केला गौप्यस्पोट | VIDEO

मनसे युवा नेते अमित ठाकरे यांना विधानसभेसाठी भांडुपची जागा देऊ केली होती, मात्र मनसेने त्यांना थेट माहीम मतदारसंघातून विधानसभा निवडणुकीच्या रिंगणात उतरवल्याचा गौप्यस्पोट मुख्यमंत्री एकनाथ शिंदे यांनी केला आहे. तर सदा सरवणकर यांना राज ठाकरेंना भेटायला सांगितलं होतं, पण त्यांनी भेट नाकारली, याकडेही एकनाथ शिंदे यांनी लक्ष वेधलं आहे. माहीमच्या जागेवर गौप्यस्पोट करत एकनाथ शिंदे यांनी शिंदेसेना-मनसेचा नेमका वाद का आहे, यावर उत्तर दिलं आहे.

दादर माहीम विधानसभा मतदारसंघाच्या जागेवरून सध्या चांगलच राजकारण बघायला मिळत आहे. त्यातच आता एकनाथ शिंदे यांनी अमित ठाकरे आणि मानसेसओबत असलेल्या वादावर गौप्यस्पोट केल्याने आता चर्चा रंगल्या आहेत. 'आम्ही अमित ठाकरेंना भांडुपची जागा देऊ केली होती, मात्र मनसेकडून त्याबद्दल आम्हाला कोणताच प्रतिसाद आला नाही. अमित ठाकरेंची माहीम मधून थेट उमेदवारी जाहीर केली. माहीम मतदारसंघात तिरंगी लढत झाली तर त्याचा फायदा अमित ठाकरे यांना होणार असल्याचा दावा सरवणकर यांनी केला. त्यामुळे राज ठाकरे यांची भेट घेण्यास सदा सरवणकर यांना सांगितलं होतं. मात्र राज ठाकरे भेटले नाही, असा मोठा खुलासा शिंदे यांनी केला आहे.

Edited By Rakhi Rajput