Ashok Kharat: विरोधी पक्षातील नेतेही अशोक खरातकडे जायचे, मुख्यमंत्री फडणवीसांचा मोठा खुलासा

नाशिकचा भोंदूबाबा अशोक खरात प्रकरणावरून राजकारण चांगलेच तापले आहे. या प्रकरणावरून विरोधाक चांगलेच आक्रमक झाले आहेत. विरोधकांकडून सत्ताधाऱ्यांवरून आरोपी केला जात आहे. अशोक खरात याच्यासोबत सत्ताधाऱ्यांमधील अनेक नेत्यांचे फोटो आहेत. यावरून विरोधकांनी या सर्वांची चौकशी करण्याची मागणी केली. तसंच रुपाली चाकणकर यांना अटक करा अशी मागणी करण्यात आली आहे. अशोक खरातकडे जाणाऱ्या मंत्र्यांना सहआरोपी करा, अशी मागणी ठाकरेसेनेचे खासदार संजय राऊतांनी केलीय. यावर प्रतिक्रिया देताना राज्याचे मुख्यमंत्री देवेंद्र फडणवीस यांनी विरोधकांवरच पलटवार केला आहे.

विरोधी पक्षातील नेतेही खरातकडे जायचे, असं म्हणत मुख्यमंत्री देवेंद्र फडणवीसांनी विरोधकांनाच टोला लगावला आहे. 'कोणकोण विरोधक तिकडे गेलेले मला माहिती आहे. खरातचे कुणासोबत संबंध याची सर्व माहिती माझ्याकडे आहे.', असे देखील मुख्यमंत्री म्हणाले.