Pune Rain: शिरुरमध्ये ढगफुटीसदृश पाऊस, दुचाकीस्वारांचा धोकादायक पाण्यातून प्रवास, दुर्घटना घडण्याची भिती|VIDEO

पुणे: शिरुर तालुक्यातील करंदी परिसरात मंगळवारी ढगफुटी सदृश पावसाने प्रचंड हाहाकार माजवला आहे. मुसळधार पावसामुळे ओढे व नाले दुथडी भरून वाहू लागले असून, अनेक ठिकाणी पाणी रस्त्यावरून वाहत आहे.

करंदी येथील ओढ्यावरून मोठ्या प्रमाणात पाणी जात असल्याने परिसरात पुरसदृश परिस्थिती निर्माण झाली आहे. अशा स्थितीतही काही नागरिक जीव धोक्यात घालून दुचाकीवरून पाण्यातून प्रवास करत असल्याचे चित्र दिसून आले.

स्थानिक प्रशासन व नागरिकांकडून वारंवार सूचना दिल्या जात असूनही काही लोक हे धोकादायक पाण्यातून प्रवास करत आहेत, ज्यामुळे दुर्घटना घडण्याची भीती व्यक्त केली जात आहे.नदी, ओढ्यांमध्ये अचानक पाण्याचा प्रवाह वाढण्याची शक्यता लक्षात घेता नागरिकांनी अशा ठिकाणी जाणे टाळावे, असे आवाहन करण्यात आले आहे.