Sharad Pawar Baramati | काका-पुतण्यामध्ये "मैदान कुणाचं?" स्पर्धा! शरद पवारांना नवी जागा शोधावी लागणार?

Baramati Sharad Pawar | बारामतीत काका-पुतण्यामध्ये पुन्हा एकदा रस्सीखेच पहायला मिळतीये. काकांना प्रचाराच्या समारोपासाठी हवं असलेलं मैदान पुतण्यानं आधीच बुक करून ठेवलंय त्यामुळे आता काकांना मात्र दुसरं कुठलं तरी मैदान शोधावं लागणारे. प्रचारसभेच्या जागेवरून देखील दोन पवारांमध्ये चांगलीच चढाओढ दिसून येतेय. प्रत्येक निवडणुकीत बारामतीतील प्रचाराची सांगता शरद पवारांच्या सभेनं होत असते. ख्रिश्चन कॉलनीतील कॅनॉल लगत असलेल्या मैदानावर ही सभा होत असते. यावेळच्या निवडणुकीत शरद पवारांना या सांगता सभेसाठी नवीन जागा शोधावी लागणारे. कारण ख्रिश्चन कॉलनीतील मैदान अजित पवारांनी आधीच बुक केलंय. या मैदानावर सुनेत्रा पवारांच्या प्रचाराची सांगता होणारे. महत्त्वाचं म्हणजे अजित पवार हेच समारोपाचं भाषण करणारेत. 5 मे रोजी बारामती मधील प्रचार संपेल. दुपारी 4 च्या दरम्यान समारोपाच्या सभा होतील.