गणेशोत्सव सण अवघ्या काही दिवसांवर येऊन ठेपला आहे. लाडक्या बाप्पाच्या आगमनाला सुरुवात झाली आहे. मुंबईमधील अनेक मोठमोठी गणेशोत्सव मंडळ बाप्पाच्या मूर्ती घेऊन येत आहेत. पारंपरिक वाद्यांच्या गजरात सार्वजनिक गणेशोत्सव मंडळांच्या गणरायांच्या मूर्ती मंडपात दाखल व्हायला सुरुवात झाली आहे. आज मुंबईतील प्रसिद्ध आणि ऐतिहासिक गणपतींपैकी एक असलेल्या चिंचपोकळीच्या चिंतामणी गणपतीचा आगमन सोहळा पार पडला.
चिंचपोकळी सार्वजनिक गणेशोत्सव मंडळाची स्थापना १९२० साली झाली. त्यामुळे मंडळाचं यंदाचं हे १०६वं वर्षे आहे. आगमनाधीश अशी चिंचपोकळीच्या चिंतामणीची ओळख आहे. चिंतामणी गणपतीचा आगमन सोहळा आज पार पडला. चिंतामणी गणपतीची पहिली झलक भाविकांना पाहायला मिळाली. बाप्पाची मूर्ती खूपच मनमोहक आहे. हा आगमन सोहळा पाहण्यासाठी गणेशभक्तांनी मोठी गर्दी केली होती. या आगमन सोहळ्याचे अनेक फोटो आणि व्हिडीओ समोर आले आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.