VIDEO: मुख्यमंत्री Eknath Shinde यांचे खासगी सचिव निवडणुकीच्या रिंगणात?

मुख्यमंत्री एकनाथ शिंदे यांचे माजी खासगी सचिव विधानसभा निवडणुकीच्या रिंगणात उतरण्याची शक्यता वर्तवली जात आहे. बालाजी खतगावकर हे मुख्यमंत्री एकनाथ शिंदे यांच्याकडे खासगी सचिव म्हणून कार्यरत होते. दोन महिन्यांपूर्वीच खतगावकर यांनी आपल्या खासगी सचिव पदाचाही राजीनामा दिला असून ११ ऑगस्टला नांदेडच्या मुखेड मतदार संघात बालाजी खतगावकर यांनी आपल्या जनसंपर्क कार्यालयाचं उद्घाटन केलं आहे. या कार्यालयाच्या उद्घाटनाला मंत्री शंभुराजे देसाई उपस्थित होते. मुख्यमंत्र्यांच्या कामांशी प्रभावित होऊन खतगावकर समाजकारणात उतरत असल्याची चर्चा होत आहे. खतगावकर यांनी राजकिय प्रवासाची सुरूवात जरी केली असली तरी मतदारसंघ अद्याप झालेला नाही. त्यामुळे बालाजी खतगावकर यांना कोणत्या मतदार संघाची जबाबदारी दिली जाते हे पाहणं महत्वाचं ठरणार आहे.