VIDEO : बाईक वाचवायला धडपडले, पण दोघेही पुराच्या पाण्यात वाहून गेले, धडकी वाढवणारा व्हिडिओ बघा!

छत्रपती संभाजीनगर : जिवाच्या आकांताने पूराच्या पाण्यातून बाईक वाचवण्याचा प्रयत्न चांगलाच अंगलट आला. बाईक वाचवण्याचा प्रयत्नात तोच वाहून गेलाय. ही धक्कादायक घटना छत्रपती संभाजीनगर जिल्ह्यातील बाजार सावंगी येथे घडली. धांड नदीवरच्या पुलावरून मोटरसायकलवरचे दोघे वाहून गेले. सुदैवाने त्या दोघांना वाचवण्यात यश आले. पण दुचाकी मात्र वाहून गेली.

मागील तीन दिवसांपासून छत्रपती संभाजीनगर जिल्ह्यात वादळी वाऱ्यासह पावसाने धूमाकूळ घातलाय. मुसळधार पावसामुळे नदी-नाले तुडुंब भरून वाहत आहेत. पूराच्या पाण्यात दुचकी घेऊन जाण्याचा प्रयत्न दोन जणांनी केला. पण बाईकसोबत तेही त्या पाण्यात कोसळले. सुदैवाने त्या दोघांना वाचवण्यात आले. पण बाईकमात्र पाण्यात वाहून गेली.

छत्रपती संभाजीनगर जिल्ह्यातील बाजार सावंगी येथी धांड नदीला पूर आला. त्यातच गावात येऊन मिळणाऱ्या निम नदी व पाडळी नदी या उपनद्यांनाही पूर आल्याने दुथडी भरून वाहत होत्या. धांड नदीवर जाणेफळ येथे पुलावरून मोटर सायकलस्वारन पुढे जाण्याच्या प्रयत्न केला, त्यात मोटरसायकल वर असलेले दोघेजण गाडीवरून खाली पडले.

पाण्याच्या प्रवाह व वाहून जात असताना आरडा ओरड केल्याने त्यांना वाचवण्यात यश आले. मात्र मोटार सायकल प्रवाहात वाहून गेली.