Rain News Today: संभाजीनगरमध्ये जोरदार पाऊस! उकाड्याने हैराण झालेल्यांना अल्पसा दिलासा

छत्रपती संभाजी नगर शहरात जोरदार पाऊस झाला. मंगळवारी सकाळपासूनच जिल्ह्यात ढगाळ वातावरण होते आणि त्याबरोबरच गरमीचे वातावरण होते. शहरातील सिडको, जय भवानी नगर, पुंडलिक नगर, गारखेडा परिसर, त्यासह शहरातल्या विविध भागात जोरदार पावसाने हजेरी लावली. त्यामुळे काही प्रमाणात वाढलेल्या उकाड्यापासून नागरिकांना अल्पसा दिलासा मिळाला. हवमान विभागाने वर्तवलेल्या अंदाजानुसार, राज्याच्या वेगवेगळ्या भागात अवकाळी पावसाच्या सरी बरसत असल्याचं पाहायला मिळालंय. मुंबईत आणि आसपासच्या परिसरात सोमवारी पाऊस झाला होता. त्यानंतर दुसऱ्या दिवशी छत्रपती संभाजीनगरमध्ये पावसाने हजेरी लावलीय.