Maharashtra Politics : नाशिकच्या आमदारांमुळे छगन भुजबळांना डावललं? कोणत्या 4 कारणांमुळे कापला मंत्रिपदाचा पत्ता? पाहा स्पेशल रिपोर्ट

भरत मोहळकर, साम टीव्ही

मुंबई : छगन भुजबळांना मंत्रिमंडळ विस्तारात डावलल्यानंतर भुजबळ चांगलेच आक्रमक झालेत.. त्यापार्श्वभुमीवर राष्ट्रवादीच्या फुटीनंतर अजित पवारांसोबत ठाम राहिलेल्या छगन भुजबळांना अजित पवारांनी मंत्रिपद नाकारण्यामागच्या कारणांची यादीच समोर आलीय.. पाहूयात भुजबळांचा मंत्रिमंडळातील पत्ता कापण्यामागची कारणं काय आहेत? ..

भुजबळांचा पत्ता कुणी कापला?

नाशिकच्या सर्व आमदारांची भुजबळांना मंत्रिपद न देण्याची मागणी

मंत्रिपद दिल्यास एकत्रित राजीनाम्याचा नाशिकच्या आमदारांचा इशारा

भुजबळांनी लोकसभा निवडणुकीत विरोधी पक्षाचं काम केल्याचा आमदारांचा दावा

पंकज भुजबळांसाठी आमदारकी पदरात पाडून घेण्याने पक्षातील वरिष्ठ नाराज

समीर भुजबळांच्या बंडखोरीनं महायुतीतले पक्ष नाराज

भुजबळांना मंत्रिपद नाकारण्यामागे आमदारांचा दबाव हे कारण तटकरेंनी मात्र फेटाळून लावलंय..

हे असं असलं तरी अजित पवारांचे 5 आमदार असलेल्या नाशिक जिल्ह्याला माणिकराव कोकाटे आणि नरहरी झिरवळ यांच्या रुपाने 2 मंत्रिपदं दिले आहेत.. त्यामुळे भुजबळांचा पत्ता कापण्यामागे खरंच आमदारांचा दबाव होता की भुजबळांवर नवी जबाबदारी देण्यासाठी अजित पवारांनी मंत्रिपदाला कात्री लावली? हे आगामी काळात स्पष्ट होईल.