Chhagan Bhujbal News : मंत्रिपदापासून भुजबळांना का दूर ठेवलं? कारणं आली समोर, पाहा Video

महायुतीत अनेक गोष्टींमुळे वाद निर्माण झाले आहेत. त्यात आता अजित पवार गटाचे ज्येष्ठ नेते आणि माजी उपमुख्यमंत्री छगन भुजबळ यांना यावेळई मंत्रिमंडळात स्थान न मिळाल्यामुळे भुजबळ हे सध्या प्रचंड नाराज असल्याचं बघायला मिळत आहे. त्याबद्दल त्यांनी जाहीरपणे बोलूनही दाखवलं आहे. मात्र राष्ट्रवादी अजित पवार गटाकडून छगन भुजबळ यांना मंत्रिपद का देण्यात आलं नाही, याची काही कारणं आता समोर आली आहे.

भुजबळ यांनी नाशिकमध्ये आपल्याच पक्षाच्या विरोधात काम केलं असल्याची तक्रात राष्ट्रवादीच्या आमदारांनी वरिष्ठांना केली आहे. तर भुजबळ यांना मंत्रिपद दिलं तर एकत्रित राजीनामा देऊ असा इशाराही आमदारांनी अजित पवार यांना दिला असल्याचं सूत्रांकडून सांगण्यात येत आहे. नाशिकच्या राष्ट्रवादीत भुजबळ यांच्या विरोधात नाराजी आहे. पंकज भुजबळ यांच्यासाठी केलेली आमदारकीची बळजबरी वरिष्ठांना नापसंत होती. समीर भुजबळ यांच्या अपक्ष उमेदवारीने महायुतीतले इतर पक्ष देखील नाराज दिसून आले. त्यामुळे नाशिकमध्ये देखील राष्ट्रवादीत असलेला अंतर्गत कलह समोर आला.