Ladki Bahin Yojana: राज्यात लाडक्या बहिणींना १ लाखाचं अनुदान अन् वीजबिल माफी, सरकारची मोठी घोषणा| VIDEO

स्थानिक स्वराज्य संस्थांच्या निवडणुकीच्या तोंडावार आता जोरदार घोषणांचा पाऊस पडायला लागला आहे. मंत्री चंद्रशेखर बावनकुळे हे आज चंद्रपूर येथे प्रचार दौऱ्यावर आहेत. चंद्रपूरमधील घुग्घुस नगरपरिषद निवडणुकीच्या प्रचारसभेत महसूल मंत्री चंद्रशेखर बावनकुळे यांनी लाडक्या बहिणींसाठी आणि नागरिकांसाठी मोठ्या घोषणा केल्या आहेत. ह्या राज्यातला तुकडेबंदी कायदा आम्ही आता हटवला आहे. त्या सर्व घरांना प्रॉपर्टी कार्ड देण्याचा निर्णय आपलं सरकार करणार आहे असे आश्वासन बावनकुळे यांनी दिले. यावेळी त्यांनी लाडक्या बहीण योजनेअंतर्गत महिला बचत गटांना १ लाख रुपयांचे अनुदान शेतकऱ्यांची वीजबिल माफी आणि सूर्यघर योजनेतून मोफत वीज देण्याचा संकल्प बोलून दाखवला. तसेच काँग्रेसवर टीका करताना त्यांनी काँग्रेसला बुडतं जहाज असे संबोधले. पूजा ताई दुर्गम यांच्या विजयासाठी त्यांनी मतदारांना आवाहन केले.