Amit Shaha News : अमित शाह यांचा महाराष्ट्र दौरा रद्द, काय आहे कारण? पाहा Video

केंद्रीय गृहमंत्री अमित शाह यांचा महाराष्ट्र दौरा अचानक रद्द करण्यात आला आहे. नागपूर येथून ते तातडीने दिल्लीकडे रवाना झाले आहेत. त्यामुळे आश्चर्य व्यक्त केलं जात आहे. राज्यात विधानसभा निवडणुकांचा प्रचार आता अंतिम टप्प्यात आलेला आहे. त्यासाठी केंद्रीय गृहमंत्री अमित शहा महाराष्ट्र दौऱ्यावर असताना अशा प्रकारे अचानक त्यांचा दौरा रद्द झाल्याने राजकीय वर्तुळात चर्चा सुरू झाल्या आहेत. त्यांचा दौरा रद्द होण्याचं कारण मात्र अद्याप समजलेलं नाही. केंद्रीय गृहमंत्री अमित शाह यांच्या नागपूरसह इतर जिल्ह्यांमध्ये चार सभांचं नियोजन होतं. त्यासाठी ते शनिवारी रात्रीच नागपुरात दाखल झाले होते. रविवारी त्यांच्या गडचिरोली, वर्धा आणि नागपूर जिल्ह्यातील काटोल आणि सावनेर अशा सर्व चार सभा आयोजित करण्यात आलेल्या होत्या. मात्र अचानक त्यांनी दौरा रद्द केला. त्यानंतर ते नागपूर विमानतळावरून दिल्लीकडे रवाना झाले. काही अपरिहार्य कारणाने त्यांचा दौरा रद्द झाल्याचं सांगितलं जात आहे. त्यांच्या सभा भाजपचे इतर नेते घेणार आहेत.

Edited By Rakhi Rajput