HMPV Virus : चीनमध्ये थैमान, भारतात सावधगिरी; सरकारने नागरिकांना काय सूचना केल्या आहेत? वाचा

भरत मोहळकर, साम टीव्ही

जग कोरोना महामारीच्या संकटातून पूर्णपणे सावरत नाही तोवर चीनमध्ये पुन्हा नव्या व्हायरसने थैमान घातलंय.. त्यामुळे भारत सरकार अलर्ट मोडवर आलंय.. पाच वर्षांपूर्वी कोरोनानं भारतात केरळमधून एन्ट्री केली होती. त्यानंतर तेलंगणामध्ये कोरोनाचे रुग्ण आढळून आले होते. त्यामुळे आता केरळ आणि तेलंगणातील नागरिकांना खबरदारीच्या सूचना देण्यात आल्या आहेत...या सूचना काय आहेत? पाहूयात...

कोरोना आला, सरकार अलर्टवर

खोकताना आणि शिंकताना रुमाल वापरा

वारंवार हात साबणाने धुवा आणि सॅनिटायझरचा वापर करा

गर्दीच्या ठिकाणी जाणं टाळा आणि फ्लूमुळे आजारी लोकांपासून अंतर राखा

ताप, खोकला किंवा शिंका येत असल्यास सार्वजनिक ठिकाणी जाणं टाळा

पुरेसं पाणी प्या, पौष्टिक आहार घ्या

आजारी असताना घरी रहा, इतरांशी संपर्क टाळा

भारत सरकारने जागतिक आरोग्य संघटनेकडूनही अपडेट मागवल्या आहेत. एवढंच नाही तर भारत सरकारने केरळ आणि तेलंगणातील नागरिकांसाठी खबरदारीच्या सूचना दिल्या असल्या तरी नागरिकांनी घाबरुन जाऊ नये, असं आवाहन आरोग्य मंत्रालयाने केलंय.

चीनमध्ये HMPV चे रुग्ण आढळून येत असल्याचं वृत्त चीनने फेटाळलंय.. तर प्रत्येक हिवाळ्यात फ्लू चे रुग्ण वाढत असल्याचा दावा केलाय. मात्र चीनने कोरोना महामारीच्या काळातही अशाच पद्धतीने कोरोनाबाबतचा दावा फेटाळला होता... त्यामुळे चीन दावा फेटाळत असला तरी भारतातील नागरिकांनी खबरदारी घेणं गरजेचं आहे..