महाराष्ट्रात विधान परिषद निवडणुकांचा धुरळा उडालाय. सर्वच पक्षांनी आकड्यांची जुळवाजुळव सुरू केली आहे. ही रणधुमाळी सुरू असतानाच ऑपरेशन टायगरचीही जोरदार चर्चा होत आहे. त्यामुळं उद्धव ठाकरेंची शिवसेना पुन्हा फुटणार असल्याच्या चर्चांनी जोर धरलाय. त्यात भाजपचे ज्येष्ठ नेते सुधीर मुनगंटीवार यांनी या ऑपरेशन टायगरबाबत सूचक वक्तव्य केलं आहे. त्यामुळं या शक्यतांना अधिक बळ मिळालं आहे.
योग्य वेळी ऑपरेशन टायगर यशस्वी होणार असल्याचं वक्तव्य सुधीर मुनगंटीवार यांनी केलं आहे. या वक्तव्यानं राजकीय वर्तुळात खळबळ उडाली आहे. ठाकरेंचे सात खासदार फुटीच्या तयारीत असून दिल्लीत गुप्त बैठक झाल्याची चर्चा होत आहे.
ऑपरेशन टायगर योग्य क्षणी यशस्वी झाल्याशिवाय राहणार नाही. एकनाथ शिंदे हे तर अचूक नेम घेणाऱ्या नेत्यांपैकी एक आहेत. त्यांचा अचूक नेम लागेल, याबाबत माझ्या मनात तीळमात्र शंका नाही, असेही मुनगंटीवार ठामपणे म्हणाले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.